БҚО-да әлеуметтік маңызы бар өнімдерге жоғары баға болса қайда хабарлауға болады
Өнімге жоғары баға туралы өтінішке фотосурет қоса берілуі керек.

«Ақжайық» ӘКК жергілікті тауар өндірушілермен бірнеше келісімшарт жасасты. Картоп 60 сауда желісіне жеткізіледі, онда үстеме 10% құрайды. Қала тұрғындары тұрақтандыру қорынан тауарларды «Анвар»,»Алтындар», «Лидер», «Пешеход»сияқты сауда желілерінен сатып ала алады. Онда көкөністің бағасы бір кило үшін 126,137 және 138 теңгені құрайды. Қоймаларда картоптың қажетті қоры бар, жеткізілім тұрақты негізде жүзеге асырылады.
БҚО сауда және тұтынушылардың құқықтарын қорғау департаменті күн сайын сауда объектілеріне мониторинг жүргізеді, «үй жанындағы дүкендер» ерекше бақылауда.
— Егер сіз «үй жанындағы дүкендерде» әлеуметтік маңызы бар азық-түлік тауарларының, оның ішінде картоптың тізіміндегі өнімдердің жоғары бағасын тіркеген болсаңыз, онда сіз осы факт бойынша Департаментке тиісті өтінішпен жүгіне аласыз (тауардың құнын белгілейтін фотосурет қажет), — делінген сауда департаментінің хабарламасында.
Өтінішті eOtinish арқылы жіберуге немесе Сарайшық 44/2 мекенжайы бойынша Департаментке өтінішпен келуге болады.