Оралда ішінде адамдары бар көлік мұз астына түсіп кеткен — қаза тапқандар бар
Орал қаласында әлеуметтік желіде мұз астына түсіп кеткен көліктің видеосы тарады. Куәгерлердің айтуынша, көлік ішінде адамдар болған.
БҚО полиция департаментінің баспасөз қызметінен мәлім еткеніндей, оқиға 2 ақпан күні сағат 18.00-ге таман «Самал» шағынауданы маңында болды.
– Өзенге батып кеткен көлік құралынан табылған екі ер адамның денесінде зорлық-зомбылық белгілері болмаған. Мүрделер сараптамаға жіберілді. Қазіргі кезде оқиғаның мән-жайы анықталып жатыр, — деп хабарлады ведомстводан.
БҚО ТЖ департаментінің баспасөз қызметі құтқарушылардың көлік пен адам денесін судан шығаруға көмектескенін жеткізді.
