Премьер-министр БҚО әкіміне жолдарға қатысты ескерту жасады
Батыс Қазақстан облысының тұрғындары жолдың жағдайына жиі шағымданады.
Премьер-министр Олжас Бектенов Үкімет отырысында Батыс Қазақстан облысының әкімі Нариман Төреғалиевке жолдардың ахуалына қатысты ескерту жасады, – деп хабарлайды Massaget.kz тілшісі.
Үкімет басшысы облыста жолдарды жақсартудың орнына керісінше сапасы сын көтермейтінін айтты.
«Жылдан-жылға сапалы жолдардың үлесі артуға тиіс. Ал сіздерде, керісінше, азайып жатыр. Республикалық деңгейде проблемаларды анықтап қана қоймай, оларды шешу қажет. Бұл үшін жергілікті бюджеттен тиісті қаржы көлемі қарастырылуы керек. Мәселенің бәрін шешіңіз», – деді Бектенов.
Батыс Қазақстан облысының тұрғындары жолдың жағдайына жиі шағымданады.
