БҚО-да «Көктем-2025» штабтық-командалық оқу-жаттығуы аяқталды
Жалпы республикалық оқу-жаттығуға 12 аудан және Орал қаласынан облыс бойынша 785 адам, 375 бірлік техника жұмылдырылды.
Азаматтық қорғаудың мемлекеттік жүйесін көктемгі кезеңдегі төтенше жағдайларды жоюға дайындығын жетілдіру мақсатында ағымдағы жылғы 6-7 ақпан аралығында облыс аумағында «Көктем-2025» республикалық командалық-штабтық оқу-жаттығу өткен болатын.
Облыста «Су тасқынына қарсы іс-шаралар және авариялық-құтқару жұмыстары кешенін өткізу» тақырыбында «Көктем-2025» РКШОЖ екінші кезеңі аяқталды.
Сонымен қатар, жаттығу барысында облыстық құлақтандыру жүйесі іске қосылып, «Барлығының назарына» сигналы бойынша дайындығы тексерілді.
Тәжірибелік тапсырмалар алдыңғы жылдарда орын алған төтенше жағдайларды есепке ала отырып жоспарланды.
Батыстағы практикалық іс-әрекеттің екінші кезеңі үшін Деркөл өзенінің бойында орналасқан Ягодка бау-бақша маңы анықталған болатын. Бау-бақшада 500-ден аса адам тұратын 150-ге жуық саяжай үйі бар.
Практикалық бөлімде өзендегі су деңгейі көтерілген жағдайда азаматтық қорғау қызметтерінің іс-қимылдары, сондай-ақ, құтқарушылардың Ягодка және Үміткер бау-бақшада авариялық-құтқару және басқа да шұғыл жұмыстарды орындау жөніндегі іс-қимылдар пысықталып, қапшықтарды төсеу бойынша қосымша жұмыстар жүргізілді.
