БҚО-да 12 ақпаннан бастап жол учаскесі уақытша жабылады

Ағымдағы жылы Батыс Қазақстан облысында Республикалық маңызы бар “Подстепное-Федоровка-РФ шек.” автомобиль жолының 0-36 шақырымдық телімін қайта жаңарту жобасы жалғасуда.

«ҚазАвтоЖол «ҰК» АҚ БҚО бойынша филиалында хабарлағандай, облыста Республикалық маңызы бар Подстепное — Федоровка — РФ шекарасы (0-36км) автомобиль жолын қайта жаңарту жалғасуда.

— Құрылыс -монтаж жұмыстарын жүзеге асыратын “Казкомсервис” ЖШС мердігер компаниясы осы жоба шеңберінде “Клеверный лист” типі бойынша көлік айрығын салудың негізгі кезеңіне кірісті.
Осы себепті, 2025 жылғы 12 ақпаннан бастап, 262 км-дегі “Ақтөбе-Орал-РФ шекарасы (Сырым өткізу пункті)” KAZ10 негізгі жолының учаскесі (атап айтқанда, Атырауға баратын жол бағытындағы қиылыс) құрылыс кезіне уақытша жабылады, — деп түсіндірді «ҚазАвтоЖол «ҰК» АҚ БҚО бойынша филиалында.

Бұл Подстепное ауылының артындағы Ақтөбе-Орал тас жолының және Зачаганскідегі «жаңа көпірге» апаратын жолдың қиылысы.

Көлік қозғалысы уақытша айналма жолмен ұйымдастырылады.

Трассаның учаскесі маусым айына дейін жабық болады.