Оралдағы әскери комитеттің терезесінен құлаған әскерге шақырылушыға күрделі операция жасалды
Жас жігіттің омыртқасы сынған болатын.
2024 жылдың бірінші желтоқсанына қараған түні Орал қаласының тұрғыны 19 жастағы Мейрамбек Сафиуллиев қалалық әскери комитеттің үшінші қабатының терезесінен құлаған болатын,- жазады «Мой город» порталы. Жас баланың омыртқасы сынып, мүгедектік болып қалу қаупі болды.
БҚО денсаулық сақтау басқармасының баспасөз қызметінен хабарлағандай, Мейрамбекті жедел жәрдем бригадасы уақытында жеткізген. Омыртқаның үшінші дискісінің сынуы анықталды. Алдымен облыстық көпсалалы аурухананың дәрігерлері транспедикулярлық фиксация, содан кейін жоғары технологиялық медициналық көмек түріне жататын бірегей операция жасады.
Мамандар одан омыртқаның зақымдалған бөлігін алып тастап, оның орнына имплант орнатты. Операция сәтті өтті, көп ұзамай Мейірамбек аяғымен ауруханадан шығарылды.
Айта кетейік, нейрохирургия бөлімшесінде жыл сайын 600-ге жуық ота жасалады, оның 50-і бірегей. Жылына бөлімше қабырғаларына 200-ден астам имплантаттар мен протездер орнатылады.
Полиция департаментінің баспасөз қызметі Мейрамбек Сафиуллиевке қатысты қылмыстық іс әскери полицияда жатқанын хабарлады.
ТАҚЫРЫП БОЙЫНША ОҚИ ОТЫРЫҢЫЗ: Батыс Қазақстанда әсери казармадан төрт жігіт қашып кеткен
