Мәскеу енді Молдовада «үйсіз» қалуы мүмкін

Бұл ұйымдар “Россотрудничество”мүддесін қорғайды және ресми мәліметтер бойынша, «шетелде тұратын ресейліктерге әртүрлі іс-шаралар мен қызметтер ұсынумен айналысады, сондай-ақ Ресей мәдениетін, ғылымын және білімін насихаттауға жауапты.

Молдова билігі Ресейдің Ғылым және мәдениет орталығын (Орыс үйі) жабу туралы шешім қабылдағанын жариялады, деп хабарлайды “Адырна” ұлттық порталы.

13 ақпанда Кишиневтегі Сыртқы істер министрлігі 1998 жылы жасалған Молдова-Ресей арасындағы мәдени орталықтар құру және жұмыс істеу туралы үкіметаралық келісімді біржақты бұзу туралы мәлімдеді. Бұған Ресейдің соққы беретін дрондарының елдің әуе кеңістігін бұзуы себеп болған. Келісімді бұзу рәсімі аяқталғаннан кейін Ресей мәдениет орталығы Молдова аумағында жұмысын тоқтатуы тиіс деп мәлімдеді сыртқы істер министрлігі.

Кейін Молдова сыртқы істер министрлігі Ресей елшісі Олег Озеровты шұғыл шақыртқан. «Кездесуде Молдова тарапы өрескел жайтқа байланысты наразылық білдіріп, мұндай оқиғалар ел қауіпсіздігіне және Молдова азаматтарына қауіп төндіретінін айтты. Ресей дипломатына мұндай әрекеттер ел егемендігін бұзуды білдіреді және Ресей тарапынан достыққа жатпайтын кезекті ишара деп саналатыны айтылды», – деп жазылған СІМ хабарламасында.

Министрлік елшіге дрон қалдықтарын көрсеткенін мәлімдеді.

Молдова аумағына құлаған ресейлік дрондардың бөліктері Ресей елшісіне дәлел ретінде көрсетілді. Кишиневте Ресей билігінен бұл шабуылдарды дереу тоқтатуды және Молдова Республикасының егемендігі мен тәуелсіздігіне, аумақтық тұтастығына қатал құрметпен қарауды тағы да сұрады.

Сол күні Молдова президенті Майя Санду Ресейдің «Геран» БПЛА дрондарының қалдығын жариялады. Бұл Ресейдің Иранның Shahed дрондарының аналогтары деп аталады.

«Shahed дрондары біздің әуе кеңістігімізді бұзды. Екеуі біздің жерімізде жарылып, молдован халқының өміріне қауіп төндірді», – деп мәлімдеді Санду.

Ресейлік дрондар Молдова шекарасындағы Украинадағы Одесса облысын атқылаған болатын. Олардың екеуі Молдова аумағына кіріп, онда жарылды.

Айта кетсек, “Орыс үйлері” әлемнің көптеген елдерінде, соның ішінде Еуропаның көп бөлігінде бар. Бұл ұйымдар “Россотрудничество”мүддесін қорғайды және ресми мәліметтер бойынша, «шетелде тұратын ресейліктерге әртүрлі іс-шаралар мен қызметтер ұсынумен айналысады, сондай-ақ Ресей мәдениетін, ғылымын және білімін насихаттауға жауапты».

Ақпанның басында Әзербайжан билігі Мәскеуге Ресейдің «Россотрудничество» агенттігі қызметін ел аумағында тоқтататыны жайлы ресми нота жіберген. Әзербайжан СІМ «Бакудегі «Орыс үйі» заңды тұлға ретінде тіркелмеген» деді.

Баку мен Мәскеудің қарым-қатынасы 2024 жылы желтоқсанда Қазақстанның Ақтау қаласы маңына Azerbaijan Airlines әуекомпаниясының жолаушы ұшағы құлағаннан кейін нашарлады. Әзербайжан ұшақты байқаусызда Ресейдің әуе қорғаныс жүйесі атты деп, апатқа Мәскеуді айыптай сөйледі.

ОҚИ ОТЫРЫҢЫЗ: Әзербайжан Бакудегі Орыс үйін жапқалы жатыр