Орал блогерлерінен салық салушылар 805 млн теңгенің алшақтығын анықтады
Барлық блогерлерге «кірістерді төмендету» бұзушылықтары туралы хабарламалар жіберілді.
БҚО бойынша Мемлекеттік кірістер департаменті «салық міндеттемелерін толық орындау мақсатында блогерлерді қоса алғанда, жеке тұлғаларға салықтық әкімшілендіруді тұрақты негізде жүргізіліп жатқанын» хабарлады.
— Бақылау шараларын жүргізу кезінде мемлекеттік кіріс органдары уәкілетті мемлекеттік органдармен, ұйымдармен және өзге де тұлғалармен өзара іс-қимылды жүзеге асырады, — деп атап өтті ведомствода.
Мәселен, БҚО-да әртүрлі ақпарат көздерінен алынған деректерді ұсынылған салық декларацияларының мәліметтерімен салыстыру қорытындысы бойынша 9 блогер бойынша 805,9 миллион теңгеге сәйкессіздіктер анықталды, нәтижесінде биылғы жылдың 13-14 ақпан аралығында оларға «кірістерді төмендету» бұзушылықтары бойынша камералдық бақылау хабарламалары жіберілді.
— Хабарламаны орындау мақсатында дербес есептелген салықтарды төлей отырып, қосымша салық есептілігін ұсыну не келіспеген жағдайда – түсініктеме беру қажет. Хабарламаның орындалу мерзімі 30 жұмыс күнін құрайды, — деп толықтырды департаментте.
Мұндай жағдай бүкіл Қазақстан бойынша қалыптасқан. Түрлі ақпарат көздерінен алынған деректерді ұсынылған салық декларацияларының мәліметтерімен салыстыру қорытындысы бойынша 594 тұлғаларға 53,3 млрд. теңгеге сәйкессіздіктер белгіленді, нәтижесінде ағымдағы жылдың 13-14 ақпан аралығында «кірістерді төмендету» бұзушылықтары бойынша камералдық бақылау хабарламалары жіберілді.
