Батыс Қазақстан облысында жол апатынан 3 адам қаза тапты
Тағы төрт жолаушы ауруханаға жеткізілді.
24 ақпанда Өнеге ауылының маңындағы Казталовка – Жәнібек тас жолында ауыр жол апаты болды.
Ford Focus көлігі Chevrolet Cobalt-пен бетпе-бет соқтығысқан.
«Апаттан бірер минут бұрын Ford Focus жүргізушісі алдындағы жүк көлігін басып озуға тырысып, қарсы жолаққа шыққан. Екі жүргізуші де, сондай-ақ Chevrolet Cobalt-тағы жолаушы да қаза тапты. Марқұмдар 22, 34 және 37 жаста болған», – деп хабарлады облыстық полиция департаменті.
— 2004 жылы туған ер адам реанимация бөлмесінде. Оның жағдайы ауыр деп бағаланады. Қалған үш науқас 20 және 44 жаста, хирургия бөлімінде. Олардың жағдайы орташа дәрежеде, — деп атап өтті облыстық денсаулық сақтау басқармасында.
