Орал бюджетінен Наурыз айында мерекелерді өткізуге 16 миллион теңгеден астам қаражат бөлінген
Мерекелік іс-шаралар көктемнің алғашқы күнінен басталып, наурыз айының соңына дейін жалғасады.
Алғыс айту күні, 1 наурызда қала әкімдігі жедел жәрдем станциясы мен «Жайық таза қала»ЖШС қызметкерлеріне алғыс білдіру бойынша іс-шара ұйымдастыруды жоспарлап отыр. Сауда орталықтарында «Алғыс қабырғасы» қалалық ART жобасы өткізіледі,қоғамдық көлікте «Алғыс автобустары» Жастар акциясы өтеді. Кәсіби оқу орындарының студенттерін жұмысшы мамандықтарымен байланысты экскурсияға қала кәсіпорындарын шақырады. Бұл күні Орал қаласында «Еңбек адамдарына алғыс» флешмобы және «Алтын қолдар» фотокөрмесі өтеді.
8 наурыз Халықаралық әйелдер күнінде қала әкімі Мұрат БАЙМЕНОВ қабылдауды ұйымдастырады, онда көп балалы әйелдерді «Алтын алқа» және «Күміс алқа» алқаларымен марапаттайды және ардагер әйелдерді мен Ұлы Отан соғысы ардагерлерінің жесірлерін құттықтайды.
Ерекше іс-шараны полиция қызметкерлері «Орал жастарымен жұмыс жөніндегі ақпараттық – талдау және ресурстық орталығымен» бірлесіп өткізеді-қалалық автомобиль жолдарында олар әйел жүргізушілерге гүл шоқтарын табыстайды.
Айта кетейік, бұл шараларға қалалық бюджет 1 миллион жүз мың теңге бөлінген.
Қала көшелерінде Наурыз мерекесі күндері он мерекелік баннер орналастырылады, олардың эскиздері алдын ала бекітілген.
Барлық мемлекеттік мекемелер Наурыз мерекесіне орай қасбеттерін безендіреді, мерекелік күндерге өз ғимараттарының қасбеттерін рәсімдеу туралы ұсыныстары бар хаттар қала әкімдігінен бизнес-нысандар мен сауда орталықтарының басшыларына жолданды.
Наурызнаманы мерекелеудің он күні ішінде Орал қаласында да, ауылдық округтерде де көптеген іс-шаралар ұйымдастырылатын болады.
Орал қаласында Ихсанов көшесінде мерекелік ауыл шаруашылығы жәрмеңкесі өтеді. Қала тұрғындары мен жастар арасында «Наурыз стилінде безендірілген ең тартымды үй», «Ең таза кіреберіс» және «Наурыз стилінде безендірілген ең әдемі көше» атты челлендждер, конкурстар өткізіледі. Ауылдық округтерде қоғамдық орындар мен тұрғын үйлердің аулаларын тазалауға бағытталған сенбіліктер ұйымдастырылады.
Наурыз мерекесінің басты күні-22 наурыз, таңертең Оралда халықтық мерекелер өтеді. ҚР Тұңғыш Президентінің алаңында ұлттық тағамдар, киім-кишек, қолөнершілер бұйымдары, сондай-ақ ұлттық музыка мен би көрмелері ұйымдастырылады. Мереке 19: 00-де Тұңғыш Президент алаңында басталатын концерттік бағдарламамен аяқталады.
Наурызнаманың мерекелік күндерін ұйымдастыруға қала бюджетінен 15 миллион 300 мың теңге бөлінді. Қала әкімдігінің хабарлауынша, шығындар құнына баннерлер, сахналар, көше концерттері кіреді.
