БҚО су айдындарында мұз кесіле бастады
Олар осылай өзендердегі мұз қабатын әлсіретпекші.
БҚО төтенше жағдайлар департаментінің хабарлауынша, өңірде құтқарушылар мұз кесуді бастады. Бұл өзендердегі мұз қабатын босату үшін жасалады.
— Құтқарушылар Жайықтағы өзендерде, көктемгі су тасқыны кезінде мұз кептелісі пайда болуы мүмкін жерлерде мұз кеседі. Жұмыстың алғашқы күнінде өзендерде 480-ге жуық тесік тесіліп, 240 метрден астам мұз кесілді. Осы мақсатта мұз кесетін қондырғы, бензин бұрғылары және басқа да мамандандырылған құралдар пайдаланылады, — деп атап өтті ведомстводан.
