Баланың атын немесе тегін өзгерту: қазақстандықтар үшін нені білу маңызды
Баланың атын немесе тегін өзгерту екі ата-ананың бірлескен өтініші бойынша жүзеге асырылады. Екінші ата-ананың қатысуы олардың нотариалды келісімі болған жағдайда талап етілмейді.
«Азаматтарға арналған үкімет» мемлекеттік корпорациясы» АҚ баланың тегін өзгерту кезінде ата-анасының екеуінің де халыққа қызмет көрсету орталығында (ХҚО) болуы міндетті ме, жоқ па, соны түсіндірді, деп хабарлайды Zakon.kz.
Осы сұрақпен мемлекеттік корпорацияға қазақстандық әйелдердің бірі жүгінді.
«Баланың атын немесе тегін өзгерту екі ата-ананың бірлескен өтініші бойынша жүзеге асырылады. Екінші ата-ананың қатысуы олардың нотариалды келісімі болған жағдайда талап етілмейді. Алайда, егер бала 10 жасқа толған болса, олардың да келісімі қажет болады», – деп жауап берді «Азаматтарға арналған үкімет» 2025 жылғы 27 ақпанда.
Сонымен қатар, «Азаматтарға арналған үкімет» күйеуі атын өзгерткен болса, балаларға құжаттағы әкесінің атын өзгерту керек пе деген мәселеге қатысты жауап берді.
Instagram-Stories-те мемлекеттік корпорация хат-хабарларымен бөлісті, онда әйел қызықты сұрақ қойды:
«Менің жұбайым айтылуының қиындығына байланысты атын өзгертті. Енді 8 және 11 жастағы балаларымызға әкесінің атын өзгерту қажет пе?»
Өз кезегінде «Азаматтарға арналған үкіметтің» қызметкері келесідей жауап берді:
«Иә, ҚР қолданыстағы заңнамасына сәйкес балаларға әкесінің аты беріледі. Әкесі атын өзгерткен жағдайда, тиісінше балалардың туу туралы актілеріне тиісті өзгерістер енгізу қажет».
