Жайық соңғы тәулікте бірден 40 сантиметрге жоғарлады

Қала шегіндегі Жайық тәулігіне 40 см қосты. Өзенде мұз көтерілді.

Шаған өзені де өте тез және көп су қосуда — соңғы 24 сағат ішінде үш метрге жуық көтерілді.

Ростоши ауылының жанындағы Деркөлдегі су қауіпті деңгейге жақындады. Бір күнде +53 см көтерілді.

Жайыққа құятын Шаған өзені Бәйтерек ауданы Чувашин ауылы тұсында 778 см (+147 см, қауіптісі — 1 280-1 300 см), Орал қаласына жақын орналасқан Мичуринде 333 сантиметрді (+59 см, 1 100 см) көрсетті.

Деркөл өзені деңгейі Тасқала ауылында кешегіден 39 см төмендеді, Бәйтерек ауданы Зеленый елді мекенінде 450 см (-12 см төмендеген, 450 см), Белесте 552 сантиметр (+53 см, 600-650 см) болды.

Тасқала ауданында кеше қауіпті шектен (780 см) асып кеткен 2-Шежін өзенінің қарқыны бәсеңдеп, бірден 99 сантиметрге (қазір — 629 см) түскен.

Шағын өзендердің ішінде Көпіраңқатының ерекше «тулап» жатқаны байқалады. Мұнда Алғабас ауылы тұсында бір тәулікте 181 см көтеріліп, 565 сантиметрден (қауіпті шегі — 945 см) бір-ақ шыққан.