Батыс Қазақстанда тұмауға шалдыққандар саны 3 есеге өскен
Батыс Қазақстан облысында өткен жылдың 1 қазанынан бастап 208 адамның тұмаумен ауырғаны тіркелді.
Нұрлыбек Ермекұлының сөзіне қарағанда, 1 қазаннан бері бастапқыда тұмаудың А типі тарап, 79 адам сырқаттанған. Соның ішінде 73-інен H1N1 немесе шошқа тұмауы анықталса, алтауы H3N2 түріне шалдыққан. Эпидемиологиялық кезеңнің ортасынан бастап тұмаудың В типі пайда болып, ол 129 адамнан табылды.
— Тұмаумен ауырғандар арасында 19 жүкті әйел бар. Сондай-ақ 37-сі 4 жасқа дейінгілер, 77-сі 4-15 жас аралығындағылар болса, 94-і — ересек адамдар, – дейді Н.Мұстаев.
Оның айтуынша, тұмау тәріздес емес вирустардан 43 аденовирус, 81 риновирус, 12 боковирус, 20 парагрипп, 42 РС вирус, 23 метапневмовирус, пандемияға жатпайтын 27 коронавирус дерегі тіркелді.
Тұмауға қарсы барлығы 69 466 адам екпе алған, бұл — облыс халқының 10 пайызы.
— Бір айта кететін жайт, осы мерзімде жіті респираторлы вирусты инфекциялармен 120 988 адам науқастанып, алдыңғы кезеңмен салыстырғанда, 2 пайызға төмендеді. Бұлардың 84 030-ы 14 жасқа дейінгі балалар болса, 601-і — жүкті әйелдер. ЖРВИ және тұмаудың алдын алу үшін тұрғындарға сақтық шараларын ұмытпау керектігін еске саламыз, – деді департамент басшысының орынбасары.
