Қаза тапқан ресейлік сарбаз саны 100 мыңнан асады — ВВС
2025 жылдың 28 наурызында жаңартылған тізімге сәйкес, 2022 жылдың 24 ақпанынан бастап 2025 жылдың 25 наурызына дейінгі аралықта кемінде 100 001 ресейлік әскери қызметшінің қаза болғаны расталған.
Украинадағы соғыста қаза тапқан РФ сарбаздарының аты-жөнімен расталған саны 100 мыңнан асты. Бұл туралы ВВС британдық медиакомпаниясының Орыс қызметі, «Медиазона» және еріктілер тобы құрастырған тізімдер растап отыр, деп хабарлайды Ulysmedia.kz.
РЕСМИ ТҮРДЕ УКРАИНАДА 100 МЫҢ РЕСЕЙЛІК САРБАЗДЫҢ ҚАЗА БОЛҒАНЫН РАСТАДЫ
2025 жылдың 28 наурызында жаңартылған тізімге сәйкес, 2022 жылдың 24 ақпанынан бастап 2025 жылдың 25 наурызына дейінгі аралықта кемінде 100 001 ресейлік әскери қызметшінің қаза болғаны расталған. Журналистердің мәліметінше, жарияланымнан кейін бір ғана жалған некролог табылды, ал тағы 10 269 некрологтың растығы тексеріліп жатыр.
ҚАЗА БОЛҒАНДАРДЫҢ КӨПШІЛІГІ БАШҚҰРТСТАН МЕН ТАТАРСТАННАН
Қаза тапқан сарбаздардың басым бөлігі Башқұртстаннан (4487), Татарстаннан (4371), Екатеринбургтен (3446), Кубаньнан (3065) және Челябіден (3005) шыққандар. Бұл деректер жаңартылған мәліметтерге сәйкес беріліп отыр.
ЖУРНАЛИСТЕР: ЕҢ КӨП ШЫҒЫН – ЕРІКТІЛЕР АРАСЫНДА
2022 жылдың жазынан бастап күздің ортасына дейін шығынның басым бөлігін еріктілер құраған. Журналистердің мәліметінше, 2022 жылдың соңына қарай және келесі жылдың басында «Вагнер тобы» жалдаған тұтқындар арасындағы шығын едәуір артты. Бұл тұтқындар украиндық позицияларға шабуылдау үшін «шабуылдаушы топтарға» біріктірілді.
2024 жылдың қыркүйегіне қарай еріктілер арасында шығындар қайта көбейіп, ең ірі санатқа айналды. 28 наурыздағы деректер бойынша, Ресей армиясы мен басқа да күштік құрылымдардың 4800-ден астам офицерінің қаза болғаны расталды, деп хабарлайды «Медиазона».
ДЕРЕККӨЗДЕР ЖӘНЕ ТЕКСЕРУ ӘДІСТЕРІ
Журналистер қайтыс болғандарды растау үшін БАҚ-тағы некрологтар, әлеуметтік желідегі туыстарының жазбалары, жергілікті шенеуніктердің хабарламалары және басқа да дереккөздерге сүйенеді. Бұған дейін «Медуза» ВВС, «Медиазона» және еріктілер тобы зерттеулеріне басқа елдердің азаматтары кірмейтінін атап өткен болатын. Атап айтқанда, «ДНР» және «ЛНР» әскери қызметшілері мен Ресей жағында соғысқан солтүстіккореялық сарбаздар зерттеуге кірмеген.
