Батыс Қазақстан облысында 700 тұрғын тегін дәрі-дәрмектен құр қалған
Прокуратураның қадағалау шаралары негізінде дәрі-дәрмекпен үздіксіз қамтамасыз ету ұйымдастырылды.
Батыс Қазақстан облысында диспансерлік есептегі азаматтарға дәрі-дәрмекпен қамтамасыз етілмегені анықталды, деп хабарлады Бас покуратура.
Батыс Қазақстан облысы Ақжайық ауданының прокуратурасы аудандық аурухана қызметінде тегін медициналық көмектің кепілдік берілген көлемі шеңберінде дәрі-дәрмекпен қамту мәселелеріне талдау жүргізді.
Талдау барысында мұқтаж адамдарды дәрілік препараттармен қамтамасыз етпеу фактілері анықталды.
«Атап айтқанда, түрлі диагноздармен диспансерлік есепте тұрған 700-ден астам пациент өздеріне тиесілі тегін дәрі-дәрмекке қол жеткізе алмай келген», – деп жазылған хабарламада.
Прокуратураның қадағалау шаралары негізінде дәрі-дәрмекпен үздіксіз қамтамасыз ету ұйымдастырылып, оларды алуға алдын-ала тапсырыс берілді.
