Ауқымды қайта құрудың орнына орташа жөндеу: маусым айында «Орал-Атырау» тас жолында асфальт ауыстырыла бастайды

Осы автотрассаның 60 шақырымындағы орташа жөндеу жұмыстары жаздың басында басталады, – деді «Қазавтожол» АҚ филиалының басшысы Мардан Амантайұлы. Бұл ретте жөндеу жобасын қаржыландыру көзі туралы нақты айта алмады. «Бұл республикалық бюджет емес, қарыздан», — деп жауап берді ол «ОА» сұрағына.

Бұған дейін «ҚазАвтоЖол» АҚ Қазақстанның Даму Банкінің қарыздары есебінен 200 млрд теңге алатыны хабарланған болатын.

«Жөндеу жұмыстарының жобасы сараптамаға берілді, ол қысқа мерзімде аяқталады. Содан кейін байқау жарияланады, мұның бәрі мамыр айының соңында аяқталады деп ойлаймын. Маусым айында мердігер жұмысқа кіріседі», – деді»Қазавтожол» АҚ филиалының басшысы.

Жоба бойынша мердігер асфальттың жоғарғы қабатын қайта өңдеп, содан кейін екі қабатқа жаңа жабын төсеуі тиіс, — деп түсіндірді Амантайұлы.

Мердігер компания Атырау облысының шекарасынан трассаны жөндеуді бастайды.

«Жалпы, осы жолдың 160 шақырымында жөндеу жұмыстарын жүргізуді жоспарлап отырмыз», – деді»Қазавтожол» АҚ филиалының басшысы.

Бұл автомобиль жолында үш жыл орташа жөндеу жұмыстары жүргізілді:

2016 жылы құны 554 миллион теңге болатын 473-492 км, 372-392 км учаскелерде 39 шақырым;

2017 жылы 1 млрд теңгеге 392-473 км учаскеде 81 километр;

2018 жылы 234 млн теңгеге 206-297 км, 302-311 км учаскелерде.

Небәрі үш жылдың ішінде 220 шақырым жол орташа жөндеумен қамтылды.

«Қазавтожол» АҚ филиалының бастығы Мардан Амантайұлының өзі аталған жылдары жасалған жөндеуді «шұңқыр жамау» деп атады.

Орал-Атырау Республикалық маңызы бар автожолының жалпы ұзындығы 487 шақырымды құрайды, оның 303 шақырымы Батыс Қазақстан облысының аумағында орналасқан.

Естеріңізге сала кетейік, Үкімет бұл тас жолды күрделі жөндеудің бастапқы жобасынан бас тартты.

Бастапқыда «Атырау-Орал» автожолын қайта жаңарту — 303 шақырым – Атырау облысымен шекараға дейін «Нұрлы жол» инфрақұрылымды дамытудың 2020-2025 жылдарға арналған мемлекеттік бағдарламасына енді. 2021 жылы сегіз жобалау компаниясы осы трассада жобалау-сметалық құжаттаманы әзірлеуге кірісті.

Содан кейін «ҚазАвтоЖол» ҰК өкілдері трассаның төрт жолақты болатынын, оған қарсы көлікке арналған бөлгіш қоршау және малға арналған жерасты өткелдері пайда болатынын хабарлады.

Үкімет бұл жолды 2022 жылдың соңына дейін қайта құруды қаржыландыру туралы шешім қабылдауға уәде берді.

Алайда, 2024 жылғы сәуірде вице-министр Талғат Ластаев «ОА» редакциясына осы жобаның мемлекеттік бюджеттен қаржыландырылуы әлі расталмағанын хабарлады. Кейінірек «Қазавтожол» АҚ мемлекеттік бюджетте қаражат тапшылығына байланысты қайта құрудың орнына орташа жөндеу жүргізілетінін хабарлады.