Қазақстанда жаңа мамандықтар пайда болады

Арнайы педагогика саласында мамандар даярлауды 17 жоғары оқу орны жүргiзедi.

Премьер-министрдің орынбасары Ермек Көшербаев елімізде ерекше қажеттіліктері бар балалармен жұмыс істейтін мамандарды даярлау туралы мәлімдеді, деп хабарлайды orda.kz.

Оның айтуынша, бүгінде дефектологтар, логопедтер, нейропсихологтар, әлеуметтік педагогтар және басқалары сұранысқа ие. Арнайы педагогика саласында мамандар даярлауды 17 жоғары оқу орны жүргiзедi.

«2024-2025 оқу жылына мемлекеттік тапсырыс бойынша бакалавриатқа 656 грант, магистратураға 150, докторантураға 13 грант бөлінді», — деді Көшербаев депутаттық сауалға берген жауабында.

Білім беру бағдарламасының тізіліміне 62 бағыт енгізілген, оның ішінде:

— «Арнайы педагогика»,

— «Аутистік спектрі бұзылған балаларды сүйемелдеу»,

— «Тифлопедагогика»,

— «Инклюзивті білім беру»,

— «Ерте қолдау педагогикасы»,

— «Эрго-педагогика» және басқалары.

Сондай-ақ, арнайы білім беру бойынша кәсіби стандартқа жаңа мамандықтар қосылды:

— ерте қолдау педагогы,– эрго-педагог,

— қарым-қатынасы және әлеуметтік бейімделуі бұзылған балалармен жұмыс жөніндегі педагог,

• психикалық дамуы тежелген және оқуда қиындықтары бар балалармен жұмыс жөніндегі педагог.