Каспийде жаппай қырылған итбалықтардан кейін өлі шаяндар табылуда
Алайда уәкілетті органдар олардың өлім себептері туралы толық жауап бермей отыр.
Каспий теңізінің экожүйесіне алаңдаған Ақтау тұрғындары енді өлі шаяндардың табылғанын айтып отыр. Бұған дейін теңіз жағалауынан бірнеше өлі итбалық табылғаны белгілі болған еді, — деп хабарлайды malim.kz тілшісі lada.kz-ке сілтеме жасап.
3 мамырда тұрғындар Солдат жағажайындағы су төгілетін арнада ондаған өлі шаян жатқанын хабарлаған. Куәгерлер түсірген суреттерде олардың жағада үйіліп жатқаны көрінеді.
Теңіз жануарларының жиі қырылуы тұрғындарды алаңдатып жатыр. Алайда жауапты органдар өлім себептеріне қатысты нақты ақпарат бермей отыр.
Маңғыстау облыстық балық инспекциясы мен экология департаменті оқиғаға байланысты әзір пікір білдірмеді.
