Оралдағы Шаған өзені арқылы өтетін көпірдің бір бөлігі 9 мамырда жабылады

Көпір 9:00-ден 17:00-ге дейін жабық болады.

Орал әкімдігінің хабарлауынша, Жәңгір хан көшесінде («Динамо» спорт кешені ауданында) жол-жөндеу жұмыстарын жүргізуге байланысты 9 мамырда сағат 09:00-ден 17:00-ге дейін Шаған өзені арқылы өтетін көпірден қала орталығына (Шығыс бағыт) қарай өтетін жол жабылады.

— Қарама-қарсы жолақ көпірі арқылы көліктің барлық түрлері үшін екі жақты қозғалыс ұйымдастырылады. Жүргізушілер осы учаскеден өту кезінде уақытша жол белгілерін басшылыққа алуы қажет. Тұрғындар мен автокөлік жүргізушілерінен өз маршруттарын алдын ала жоспарлауды және түсіністікпен қарауды сұраймыз, — деп әкімдікте оралдарға жүгінді.