Оралдағы жиһаз салоны алаяқ қызметкердің кесірінен миллион теңгеге шығын төледі

Жиһаз салонының менеджері жиһаз жасау үшін төлемді өзінің жеке шотына аударып отырған.

БҚО сауда және тұтынушылардың құқықтарын қорғау департаменті №2 сотта жиһаз компаниясына қарсы іс қаралғанын хабарлады. 2024 жылы бірнеше адам жұмсақ жиһазға тапсырыс беріп, салон менеджеріне жеке шотына ақша аударды. Бірақ жиһаз оларға сол күйі жеткізілмеген.

Клиенттер салонға хабарласқанда, оларға менеджер алаяқ болып шыққанын айтқан-ол ақша алды, бірақ оны компанияға бермеді немесе басшылықты тапсырыстар туралы хабардар етпеді. Салон полицияға хабарласуға кеңес берді. Сатып алушылар мәселені сотқа дейінгі шағымдар арқылы шешуге тырысты, бірақ нәтиже болмады. Содан кейін олар заңгерлік компанияға жүгініп, сотқа шағым түсірді. Іс жүргізу кезінде жиһаз компаниясының өкілі сол кезде менеджер оларда жұмыс істегенін растады.

Сот компаниядан келесі сомаларды өндіріп алуға шешім қабылдады:

-Бірінші жәбірленушінің пайдасына: тауар үшін 900 000 теңге, мемлекеттік баж үшін 9 000 теңге, заңгердің қызметтері үшін 90 000 теңге.

-Екіншісінің пайдасына: тауар үшін 325 000 теңге, мемлекеттік баж үшін 3 250 теңге, заңгердің қызметі үшін 32 500 теңге.

-Тағы үшіншісінің пайдасына: тауар үшін 707 000 теңге, мемлекеттік баж үшін 7 070 теңге, заңгердің қызметі үшін 70 700 теңге.