Қазақстандықтарға 1414-тен келетін хат-хабарға байланысты ескерту жасалды
1414-тен келген кодты үшінші тұлғаларға хабарламаңыз. Алаяқтар сізге (WhatsApp арқылы) хабарласып, SMS арқылы келген кодты айтуыңызды сұрауы мүмкін.
Соңғы кезде өзін eGov.kz қызметкері ретінде таныстырып, ресми 1414 нөмірінен хабарласатын алаяқтар көбейіп кетті. Осыған байланысты, 2025 жылғы 15 мамырда «ҰАТ» АҚ қызметкерлері азаматтарға үндеу жасады, деп хабарлайды zakon.kz.
Ведомство олар сіздің жеке деректеріңіз бен телефоныңызға қол жеткізуді көздейтіндігін атап өтті.
«1414-тен келген кодты үшінші тұлғаларға хабарламаңыз. Алаяқтар сізге (WhatsApp арқылы) хабарласып, SMS арқылы келген кодты айтуыңызды сұрауы мүмкін. Бұл – сіздің сеніміңізді жаулап алу және назарды басқа жаққа аудару мақсатында жасалатын психологиялық әдіс»,- делінген ақпаратта.
Не білу керек:
- 1414-тен келген SMS-код пен ЭЦҚ кілттерін үшінші тұлғаларға беруге болмайды;
- Күдікті сілтемелерге өтпеңіз;
- Бейтаныс адамдардың өтінішімен бөгде қосымшаларды орнатпаңыз;
- Күмәндансаңыз — 1414 байланыс орталығына қайта хабарласыңыз.
- 1414 – байланыс орталық
- 102 – полицияға алаяқтық туралы хабарлау
«Маңызды: Біз бизнес-аккаунттарды пайдаланбаймыз және мессенджерлерде (WhatsApp, Signal, Viber және т.б.) қолданушыларға хабарлама жібермейміз»,- деп ескертті мамандар.
Алаяқтардан қалай қорғануға болады?
- Банктік қосымшалар арқылы картаға лимит қойыңыз.
- eGov.kz порталында немесе eGov Mobile қосымшасында «Банк несиелері мен микро несиелерден өз еркімен бас тарту» қызметін пайдаланыңыз.
- eGov Mobile арқылы Мемлекеттік несие бюросы сервисінен жеке несие есебін алыңыз.
- Егер сіздің атыңызға несие сіздің рұқсатыңызсыз рәсімделсе, ІІМ (ҚР Ішкі істер министрлігі) органдарына жүгініңіз.
- Несие берген ұйымға өтініш жіберіңіз.
- ЭЦҚ кілттерін жоғалтқан жағдайда, жаңасын ғана емес, жоғалған кілтті де pki.gov.kz сайты арқылы кері қайтарыңыз.
- Ескі нөмірге қолжетімділік жоғалған жағдайда Мобильді азаматтар базасындағы телефон нөмірін ауыстырыңыз.
Егер сіз алаяқтыққа байланысты құқықбұзушылыққа тап болсаңыз, 102 нөмірне хабарласыңыз немесе ең жақын полиция бөлімшесіне барыңыз,- деп хабарлайды ҰАТ» АҚ баспасөз қызметі.
