Баспана кезегіне тұратын сайт іске қосылды
Бұған дейін баспана кезегін әкімдіктер жүргізген болатын.
Отбасы банкі баспанаға мұқтаж барлық адамның кезекке тұра алатынын мәлімдеді, деп хабарлайды Sputnik Қазақстан тілшісі.
Бұған дейін баспана кезегін әкімдіктер жүргізген болатын. Ал өтініштер арнайы сайтта қабылданды.
Жаңа заңға сәйкес, баспана кезегі толығымен Отбасы банкіне берілді. Осыған байланысты басқа сайт іске қосылды.
«24 мамырдан бастап барлық Қазақстан азаматтары тұрғын үйге мұқтаж ретінде кезекке тұра алады. Өтінішті онлайн түрде ORKEN.OTBASYBANK.KZ сайтында беруге болады», – делінген ресми хабарламада.
Сайтта алдымен электронды цифрлық қолтаңбамен авторизациядан өту керек. Ал жүйе өтініш берген адамның баспанаға қаншалықты мұқтаж екенін анықтайды. Негізгі талаптар:
Соңғы 5 жыл ішінде ҚР аумағында тұрғын үйдің болмауы;
Астана, Алматы және Шымкент қалалары үшін қоса алғанда;
Астана, Алматы және Шымкент қалалары үшін қосымша, соңғы 3 жыл ішінде тіркеудің болуы.
Айта кетері, бұған дейін Отбасы банк әкімдіктер жүргізген тұрғын үйге мұқтаж азаматтардың тізімі өзіне автоматты түрде берілетінін хабарлаған болатын.
