Ескі көлік үшін сұралатын салық қашан азаяды
Заң қабылданса ел автопаркінің жартысынан көбіне әсер етеді.
Жаңарған Салық кодексінің жобасын мәжіліс мақұлдап, сенатқа жіберді. Президенттің үнемдеу туралы үндеуіне қарамастан құжатта шыққанына 11–20 жыл болған машинаға 30 %, одан ескісіне 50 % жеңілдік жасау туралы ереже өзгеріссіз қалды. Енді оны сенаторлар кодекстен алып тастамай, президент қол қойса болғаны.
Жеңілдік қашан күшіне енеді?
Кодекс келер жылы 1 қаңтарда күшіне енуі керек. Демек жеңілдік те сол кезде қолданыла бастайдыі. Мысалы, азамат ескі көлігін сатса, 2026 жылы ақпанда 2025 жылғы салықты бұрынғы мөлшерлеме бойынша төлейді (оған дейін төлеп қоймаса), 2026 жылы көлік иесі жаңа мөлшерлеме бойынша есеп айырысады.
Қанша автомобиль салық жеңілдігін алады?
ҚР Ұлттық статистика бюросының есебінше биыл 1 мамырда елде 6 175 955 көлік құралы тіркелген. Оның 5 340 301-і — жеңіл автомобиль. 11–20 жыл бұрын шыққан машина — 1 270 746, ал 20 жылдан асқан көлік — 2 266 099. Елде 3 536 845 ескі автомобиль бар. Демек, салық жеңілдігі Қазақстан автопаркінің жартысынан көбін қамтиды. Оның үстіне 2026 жылы ескі көлік саны тағы артатыны анық.
