Полиция есебінде 5 мыңнан астам «қиын» бала тұр — ІІМ
Министрдің сөзінше, елімізде «Жасөспірім» атты профилактикалық іс-шаралар жалғасып жатыр.
Үкімет отырысында Ішкі істер министрі Ержан Сәденов полиция есебінде 5 мыңнан астам «қиын» жасөспірім тұрғанын мәлімдеді, деп хабарлайды Skifnews.kz ақпараттық порталы.
Министрдің сөзінше, елімізде «Жасөспірім» атты профилактикалық іс-шаралар жалғасып жатыр.
«10 сәуір мен 31 мамыр аралығында 900 қараусыз жасөспірім бейімдеу орталығына орналастырылды, 26 мыңға жуық әкімшілік құқықбұзушылықтың жолы кесілді, оның ішінде 3 мың — ата-аналардың тәрбиелеу міндетін орындамауына байланысты, 954 бала және 815 ата-ана профилактикалық есепке қойылды, 4 мыңнан астам зиянды интернет-контент бұғатталды», — деп айтты Сәденов.
Сондай-ақ каникул кезінде «Түнгі қалада қалған балалар» рейді ұйымдаcтырылады.
Бұл жерде басты мақсат:
– жасөспірімдер арасындағы құқықбұзушылықтың алдын алу,
– тұрмысы нашар отбасылармен жұмысжүргізу,
– түнгі уақытта балалардың көшеде жәнеойын-сауық орындарында болуына жол бермеу,
– спирттік ішімдіктер мен темекіөнімдерін сатқан кәсіпкерлер мен ата-аналарды жауапқа тарту.
«Қазіргі таңда, полиция есебінде 5 мыңнан астам «қиын» жасөспірімдер тұр. Олардың тек 3 мыңы ғана түзеу жұмыстарымен қамтылған (5 326-дан 2 905)», — деп айтты ІІМ басшысы Үкіметте.
