Ертең еліміздің барлық өңірінде сирена ойнайды
Ведомство тұрғындардан үрейленбеуді сұрайды.
22 мамырда «Өрт-2025» республикалық командалық-штабтық оқу-жаттығуы кезінде барлық өңірде дабыл жүйесі іске қосылады, деп хабарлайды Skifnews.kz ақпарат порталы.
Павлодар облысының Төтенше жағдайлар департаментінің мәліметінше, жаттығулар 22-23 мамыр аралығында өтеді. Үйлестіру және басқару жөніндегі республикалық штаб Павлодар облысында орналасқан.
«Іс-шара аумақтық азаматтық қорғаныс кіші жүйесінің басқару органдарының, күштері мен құралдарының табиғи өрттер кезіндегі іс-қимылдарға дайындық деңгейін арттыру мақсатында ұйымдастырылып отыр», – делінген хабарламада.
22 мамырда сағат 9:00-де дабыл жүйесінің дайындығы тексеріледі. Барлық өңірде электр сиреналары естіледі. Ведомство тұрғындардан үрейленбеуді сұрайды.
Сондай-ақ Ресей Төтенше жағдайлар министрлігінің күштері мен құралдары шекара маңындағы аймақтардағы табиғи өрттерді сөндіру бойынша іс-шараларды өткізуге пайдаланылады.
