Қазақстанда ақылы жолдың ақысы қайта қаралады
Ресми мәлімдеме бүгін, 2025 жылдың 28 мамырында Министрліктің Telegram-каналында жарияланды.
Қазақстанның Көлік министрлігі ел тұрғындарына қуанышты жаңалықпен үндеу жолдады. Хабарламада айтылғандай, департамент ақылы жолдардың ақауы бар учаскелерінде жол жүру ақысын алып тастамақ, деп хабарлайды zakon.kz.
Ресми мәлімдеме бүгін, 2025 жылдың 28 мамырында Министрліктің Telegram-каналында жарияланды
Онда былай жазылған:Қазақстанда республикалық маңызы бар ақылы автожолдарда қауіпсіздік пен көлік қозғалысының үздіксіз іске асырылуына кері әсер ететін ақаулар анықталған жағдайда, жол пайдаланушылары мұндай жол учаскелерімен жүріп өткені үшін жол ақысын төлеуден босатылады. Бұл норма төлем алу қағидаларына енгізілетін өзгерістер жобасында қарастырылды.
Егер ақылы автожолда жол қозғалысы қауіпсіздігіне әсер ететін және жөндеуді талап етіп тұрған жол учаскесі болса, дәл сол аралық үшін жөндеу жұмыстары толық аяқталғанға дейін төлемақы алынбайды.
Мысалы, егер ақылы жол учаскесінің жалпы ұзындығы 100 шақырымды құраса, оның 5 шақырымы жөндеуді талап етсе, онда жол бойындағы ақаулар жойылғанға дейін жүргізушілер тек 95 шақырым жол үшін ғана ақы төлейді, деп хабарлайды ҚР Көлік министрлігі.
Бұл өзгеріс биылғы маусым айынан бастап күшіне енеді деп жоспарланып отыр.
