БҚО-да жаңа автобус маршруттары жұмыс істей бастады

4 маусымнан бастап БҚО-да Орал-Ақтау және Ақсай-Орал-Ақсай жаңа автобус бағыттары жүре бастады.

Жолаушылар мен багажды облысішілік қалааралық тасымалдауға қызмет көрсету құқығына арналған конкурстың жеңімпаздары анықталды. Билеттің кестесі мен құны бекітілді.

«БҚО жолаушылар көлігі және автомобиль жолдары басқармасы» ММ тұрақты автобус маршруттарына қызмет көрсету құқығына арналған конкурстың қорытындысын шығарды.

Байқау қорытындысы бойынша «Caspian Trans Corporation» ЖШС №1 «Орал-Ақтау» бағыты бойынша жеңімпаз болып танылды. Бекітілген кестеге сәйкес, Орал қаласынан күнделікті шығу 07:00-ге жоспарланған. Бұл бағыт екі облыс орталығы арасында ыңғайлы және тұрақты көлік тасымалын қамтамасыз етуге арналған.

Сонымен қатар, №121 «Ақсай-Орал-Ақсай»ауданаралық маршрутының жаңа тасымалдаушысы анықталды. Ол «Батыс Авто Парк» ЖШС болды. 4 маусымнан бастап осы бағыт бойынша автобустар күн сайын жүреді, әр бағытта сегіз рейсті орындайды 10:00, 12:00, 14:00 және 16: 00.

БҚО жолаушылар көлігі және автомобиль жолдары басқармасының хабарлауынша, Орал-Ақсай рейсі бойынша билет құны 1500 теңгені құрайды. Біздің қалада отырғызу теміржол вокзалында, Ақсайда — «21 ғасыр» сауда үйінде жүзеге асырылады.