6 айға төлемді шегеру: Қазақстандықтар бірнеше несиесін біріктіріп төлеуге мүмкіндік алмақ

Өтелмеген қарыз берешегі 90 күннен асса, басқа несие берілмейді.

Енді қазақстандықтар қарыздары мен бірнеше несиесін біріктіріп төлей алуға мүмкіндік алмақ, деп хабарлайды Qaz365.kz.

Бұл туралы ҚР Қаржы нарығын реттеу және дамыту агенттігі борышкерлерге бірнеше проблемалық несиені біріктіріп өтеуге мүмкіндік беретін жаңа ереже әзірлеп, қоғамдық талқыға ұсынып отыр.

Жаңа мүмкіндік келесі жағдайларда қолжетімді:

 • Микроқаржы ұйымындағы қарыз 90 күннен аса кешіктірілсе;
 • Банктік қарыз 180 күннен аса мерзімі өтсе;
 • Қарыздар кепілсіз болса;
 • Жалпы берешек 1600 АЕК-тен (шамамен 6,3 млн теңге) аспаса.

Бұл жағадайларда несиесі бар борышкерлер банкке жүгініп, қарыздарын біріктіріп төлеуге немесе жаңа төлем кестесін жасауға мүмкіндік алады. Банктер айыппұл мен өсімпұлды кешіріп, 6 айға дейін төлемді шегере алады. Жоба 20 маусымға дейін қоғамдық талқыға ұсынылып отыр. Тиімділігі мен көпшіліктен қолдау болса, өзгеріс пен нормативтер енгізіледі.