БҚО-да алимент төлемеген ер адамға айыппұл салынды
Оның 493 725 теңге сомасында берешегі қалыптасқан.
Сырым аудандық сотында сот актісін орындамаған Жымпиты ауылының тұрғынына қатысты әкімшілік құқық бұзушылық туралы іс қаралды.
Іс материалдарына сәйкес, құқық бұзушы Сырым аудандық сотының 2021 жылғы кәмелетке толмаған баланы асырауға алимент өндіріп алу туралы сот бұйрығын орындамаған.
– Сот қаулысымен құқық бұзушы ҚР ӘҚБтК – нің 669-бабында көзделген әкімшілік құқық бұзушылық жасағаны үшін кінәлі деп танылды және жалпы сомасы 13 762 теңгеге айыппұл түрінде әкімшілік жаза тағайындалды, – деп хабарлады облыстық соттың баспасөз қызметі.
Сот шешімі заңды күшіне енген жоқ.
