Кету немесе қалу — Орал тұрғындары бұл сұраққа не деп жауап берді
Жылдың алғашқы төрт айында Орал қаласынан ішкі көші-қон аясында 17876 адам кеткен.
Батыс Қазақстан облысынан басқа өңірлерге халықтың кетуі жалғасуда. Ұлттық статистика бюросының мәліметінше, жылдың алғашқы төрт айында Орал қаласынан ішкі көші-қон аясында 17876 адам кеткен. Бұл 2024 жылдың сәйкес кезеңімен салыстырғанда бес мыңға көп, сол кезде 13 666 адам басқа аймақтарға көшті. Орал қаласынан бірінші кезекте Астана мен Алматыға кетеді.
Біз қала тұрғындары арасында шағын сауалнама жүргіздік. Сауалнамаға қатысқан 17 адамның жетеуі кетуге ниет білдірді. Тағы бір қатысушы көптен бері елордаға көшіп кеткен және қайтып оралу ойында жоқ.
Респонденттердің бірі Алматыда тұрып үлгерді, бірақ қазір одан әрі – шетелге қарап, «тағы бір жер»іздеуде.
Кейбіреулер бұрын көшу туралы, әсіресе балалардың болашағы үшін байыпты ойлағанын мойындады, бірақ уақыт өте келе ойларын өзгертті: олар қала дами бастады дейді. Алайда, бәрі де заттарын жинауға асықпайды. Сауалнамаға қатысқан сегіз адам қалуға бел буады. Олар үшін Орал – жасыл және тыныш қала, онда өмір сүру ыңғайлы.
