Иран Сириядағы АҚШ-тың әскери базасына шабуыл жасады — БАҚ

Алдын ала мәлімет бойынша шабуыл Иранның АҚШ тарапынан жақында жасалған ядролық нысандарға бағытталған шабуылдарға жауабы болуы мүмкін. Вашингтон ол соққыларды Иранның ядролық бағдарламасын тежеу мақсатында жасалған деп түсіндірген.

Иран әскери күштері Сирияның солтүстік-шығысындағы Хасеке провинциясында орналасқан АҚШ әскери базасына минометтік шабуыл жасады. Бұл туралы бүгін, 23 маусымда Иранның Mehr және Fars агенттіктері жазды, деп хабарлайды «adyrna.kz».

Шетелдік БАҚ-тың мәліметінше, атыстан кейін аймақтағы америкалық бөлімшелер жоғары әскери дайындық режиміне көшірілген.
Сондай-ақ стратегиялық нысандарда қауіпсіздік шаралары едәуір күшейтілген.

Алдын ала мәліметтер бойынша, бұл шабуыл Иранның АҚШ-тың ирандық ядролық нысандарға жасаған соңғы соққыларына берген жауабы болуы мүмкін.

Еске салайық, бұған дейін Иран АҚШ-ты халықаралық құқықты өрескел бұзды деп айыптаған еді.