Киік еті пайдалы ма? Қазақ тағамтану академиясы зерттеу қорытындысын жариялады
Киік етінің химиялық құрамы мен денсаулыққа әсері зерттелді. Оны жеуге бола ма, және кімге пайдалы – мамандар жауабы.
Киік етінің химиялық құрамы мен денсаулыққа әсері зерттелді. Оны жеуге бола ма және кімдерге пайдалы — мамандар түсіндірді.
Киік еті не үшін зерттелді?
Қазақстанда киіктердің саны күрт өскен. Қазір олардың саны 3,9 миллионнан асты, бұл кеңес дәуірімен салыстырғанда үш есе көп. Фермерлер киіктердің егістік алқаптарына зиян келтіріп, малды ығыстырып жатқанын айтып, олардың санын реттеуді талап етті.
Осыған байланысты Экология министрлігінің тапсырысымен Қазақ тағамтану академиясы киік етінің құрамын зерттеді. Ғылыми зерттеу нәтижелері бойынша киік етін функционалды азық ретінде пайдалануға болатыны анықталды.
Киік еті — табиғи ақуыз бен дәрумен көзі
Академия президенті, медицина ғылымдарының докторы Алмаз Шарман былай дейді:
«Киік еті — бұл ақуызға, дәрумендер мен микроэлементтерге бай табиғи концентрат. Ол әлемдегі ең үздік диеталық өнімдермен тең дәрежеде бәсекелесе алады.«
Киік етінің химиялық құрамы (100 граммға шаққанда)
- Ақуыз – 20 г
- Май – 9 г
- D дәрумені – 91,7 мкг (тәуліктік норманың 900%-ынан асады)
- B5 дәрумені – 8 мг (160% тәуліктік норма)
- Темір – 3,9 мг
- Мырыш (цинк) – 6 мг
- L-карнитин – 132 мг
Құрамында сонымен қатар магний, селен және B тобының дәрумендері де бар.
Киік еті кімдерге пайдалы?
Мамандардың айтуынша, киік еті келесі топтар үшін ерекше пайдалы:
- балаларға – ағза дамуына қажет;
- жүкті және бала емізетін аналарға – темір мен дәрумен тапшылығының алдын алу үшін;
- қарт адамдарға – сүйек пен бұлшық етті қолдау үшін;
- ауыр дене немесе ой еңбегімен айналысатындарға;
- теңіз өнімдері тапшы өңір тұрғындарына – табиғи D дәруменін толықтыру үшін.
Киік етін өңдеу және нарыққа шығару жоспарланып отыр
Қазақстанда киік популяциясын ғылыми негізде реттеу жоспарланған. Бұл бағытта халықаралық тәжірибе ескеріліп, ет өңдеуге арналған жобаларға инвесторлар тартылып жатыр.
