Батыс Қазақстан облысы әкімінің орынбасары болып Мирас Мүлкәй тағайындалды
Мирас Мүлкәй құрылыс, тұрғын үй-коммуналдық шаруашылығы, энергетика, жолаушылар көлігі және автомобиль жолдары, мемлекеттік сәулет-құрылыс бақылау саласы, абаттандыру мәселелеріне жетекшілік етеді.
Қазақстан Республикасы Президентінің Әкімшілігімен келісімі бойынша, облыс әкімінің өкімімен БҚО әкімінің орынбасары лауазымына Мирас Мүлкәй тағайындалды,-деп хабалдайды БҚО әкімінің баспасөз қызметі.
Махамбет Өтемісов атындағы Батыс Қазақстан мемлекеттік университетін «Қаржы», Жәңгір хан атындағы Батыс Қазақстан аграрлық-техникалық университетін «Құрылысшы»мамандығы бойынша тәмамдаған.
Өңір басшысы өзінің жаңа орынбасарын таныстырып, Мирас Мүлкәйға алдағы жауапты қызметінде табыс пен сәттілік тіледі. Сонымен қатар, облыстың әлеуметтік-экономикалық дамуындағы бірқатар маңызды міндеттерді атап өтіп, жаңа орынбасардың осы бағыттарда жүйелі әрі нәтижелі жұмыс атқаратынына сенім білдірді.
Әр жылдары:
* Орал қаласының тұрғын үй-коммуналдық шаруашылық, жолаушы көлігі және автомобиль жолдары бөлімі- абаттандыру секторының бас маманы,
* Орал қаласының тұрғын үй коммуналдық шаруашылық, жолаушы көлігі және автомобиль жолдары бөлімінің абаттандыру секторының меңгерушісі,
* Орал қаласының тұрғын үй коммуналдық шаруашылығы және тұрғын үй инспекциясы бөлімінің орынбасары,
* Батыс Қазақстан облысы Орал қаласы құрылыс бөлімінің басшысы,
* Батыс Қазақстан облысы Орал қаласы әкімінің орынбасары қызметін атқарған.
БҚО әкімінің орынбасары лауазымына тағайындалғанға дейін Батыс Қазақстан облысының энергетика және тұрғын үй-коммуналдық шаруашылық басқармасының басшысы қызметінде болды.
Мирас Мүлкәй құрылыс, тұрғын үй-коммуналдық шаруашылығы, энергетика, жолаушылар көлігі және автомобиль жолдары, мемлекеттік сәулет-құрылыс бақылау саласы, абаттандыру мәселелеріне жетекшілік етеді.
