Қазақстанда ең көп сатылатын дәрілер аталды
Ведомство дерегінше, елімізде ең көп сатылатын таңбаланған дәрі — парацетамол. Бір жыл ішінде дәріханаларда шамамен 3 миллион қаптама сатылған.
Денсаулық сақтау министрлігі елімізде ең көп сатылатын дәрілерді атады.
Ведомство дерегінше, елімізде ең көп сатылатын таңбаланған дәрі — парацетамол. Бір жыл ішінде дәріханаларда шамамен 3 миллион қаптама сатылған. Сатылым бойынша келесі орындарда — натрий хлориді, этил спирті, ацетилсалицил қышқылы және Цитрамон П.
Қазақстандықтар дәрілерді ең сейсенбі және сәрсенбі күндері жиі сатып алады. Жұмаға қарай сұраныс төмендеп, жексенбіде ең төменгі деңгейге жетеді. Бұл үрдіс жыл бойына сақталған. Дүйсенбіде сұраныс қайта өсіп, аптаның ортасында шарықтау шегіне жетеді.
«Қазақстанда дәрілік заттарды міндетті түрде таңбалау және қадағалау жүйесін енгізу арқылы мемлекет олардың айналымын ашық бақылау мүмкіндігіне ие болды. Енді әрбір дәрінің өндірушіден тұтынушыға дейінгі жолын бақылауға болады. Бұл тұтынушылар үшін қауіпсіздікті арттырып қана қоймай, сонымен қатар қай күні және қандай дәрілердің жиі сатып алынатыны туралы нақты деректер алуға мүмкіндік берді», — делінген министрлік хабарламасында.
Министрліктің мәліметінше, бір жыл ішінде 417 миллион қаптама дәрі таңбаланған, бұл — нарықтың 60 пайызы.
