Сатиралық Qaznews24 агенттігі өз қызметін тоқтатты

Qaznews24 ешқандай шетелдік грант алмағанын, тек жарнама мен оқырмандардың донаттары есебінен жұмыс істегенін ерекше атап өтті.

Сатиралық жазбаларымен танылған Qaznews24 парақшасы жабылды, деп хабарлайды Orda.kz.

Бұл туралы парақша әкімшілері мәлімдеді.

«Құзырлы органдардың редакция мүшелерінің туыстарына қысым жасап, жаңа тергеу жұмысын бастауына байланысты біз агенттікті жабу туралы шешім қабылдадық. Мұндай жағдайда біз жұмысты жалғастыра алмаймыз», — деді олар.

Qaznews24 ешқандай шетелдік грант алмағанын, тек жарнама мен оқырмандардың донаттары есебінен жұмыс істегенін ерекше атап өтті.

Айта кетейік, Qaznews24 негізін қалаушы Темірлан Еңсебек сатиралық жазбаларға байланысты істі болды. 11 сәуір күні Алматы қаласының Наурызбай аудандық сотында инстаграмдағы Qaznews24 сатира парақшасының бұрынғы авторы Темірлан Еңсебекке қатысты қылмыстық іс бойынша сот үкімі шықты. Журналист бес жылға бас бостандығынан шектелді. Оған ұлтаралық араздық қоздырды деген айып тағылып, экстремист деп танылды.