Оралда жылу құбыры жарылды
Бұл туралы «Жайықжылуқуат» АҚ хабарлады.
Орал қаласында жылыту маусымына дайындық барысында гидравликалық сынақтар жүргізіліп жатыр.
Компанияның хабарлауынша, 28 тамызда М.Жүнісов көшесі бойындағы № 7 магистральдық құбыр желісінде сынақ жүргізу барысында апат болды.
– Диаметрі 530 мм құбыр жарылып, жылу желісі зақымданды. Қазіргі уақытта апатты жою және жылу жүйесін қалпына келтіру мақсатында құбырды ауыстыру жұмыстары жүргізіліп жатыр, – деп хабарлады ведомстводан.
«Жайықжылуқуат» АҚ осыған дейін 25-29 тамыз аралығында гидравликалық сынақтар жүргізілуіне байланысты ыстық су беру уақытша тоқтатылатынын әлеуметтік желі арқылы хабарлады.
