БҚО мектептерінде тамақтанудың жаңа стандарты қолданылады
Стандарт бойынша қант пен тұздың мөлшері азаяды.
БҚО санитарлық-эпидемиологиялық бақылау департаменті басшысының орынбасары Гүлдана Керееваның айтуынша, 2025 жылдың 1 қыркүйегінен бастап білім беру ұйымдарында тамақтанудың жаңа стандарты қолданысқа енгізіледі.
-Жаңа стандарт бойынша қант пен тұздың мөлшері азаяды, көкөністерді, жемістер мен сүт өнімдерін тұтынуды арттырады, қантты газдалған сусындар мен шырындарды жояды, оларды газдалмаған суға, сүтке, ашытылған сүт сусындарына, жеміс шайларына, компоттарға, термиялық өңделген қант мөлшері төмен жеміс — жидек сусындарына ауыстырады, — деді Гүлдана Киреева.
Спикер өзгерістер мектептегі тамақтану сапасын жақсартуға бағытталғанын және тиісті қаржыландыруды бөлуді талап ететінін атап өтті.
— Жалпы білім беретін мекемелерде санитарлық-эпидемиологиялық саламаттылық саласындағы заңнама талаптары сақталмаған жағдайда департаменттің аумақтық басқармаларына немесе 8 7112-51-27-66 телефоны бойынша жүгіну қажет, — деп қорытындылады департамент басшысының орынбасары.
