«Оның он бесі бала»: Оралда 42 адам шұғыл эвакуацияланды

Қазіргі уақытта өрт толық сөндірілді, зардап шеккендер жоқ.

Оралда 12 қазан күні тоғыз қабатты тұрғын үйде өрт шығып, 42 адам эвакуацияланды.

Оқиға Мөңкеұлы көшесі бойында 9 қабатты тұрғын үйдің 8-ші қабатында болған.

Төтенше жағдайлар министрлігінің мәліметінше, 8-ші қабатта орналасқан пәтердің бірінде жеке заттардың жануы орын алған.

«9 қабатты тұрғын үйдің 8-ші қабатында орналасқан пәтердің бірінде жеке заттардың жануы орын алды. Өрт сөндірушілер оқиға орнынан 2 адамды эвакуациялап, 40 адам өздігінен эвакуацияланды, оның ішінде 15 бала.», – делінген ТЖМ хабарламасында.

Қазіргі уақытта өрт толық сөндірілді, зардап шеккендер жоқ.

Сондай-ақ, бүгін Орал қаласының Зачаганск кентінде Жәңгірхан көшесінде электр трансформаторының жануы орын алды. Ауа-механикалық көбікті қолданған өрт сөндірушілердің кәсіби әрекеттерінің арқасында өрт одан әрі жайылмай толығымен сөндірілді. Зардап шеккендер жоқ.

Төтенше жағдайлар департаменті өрттің шығу себебін анықтау үшін мамандандырылған сараптама жүргізіп жатыр.

Құтқарушылар тұрғындарға өрт қауіпсіздігі талаптарын сақтау қажеттігін ескертеді:

түтін немесе күйік иісін сезсеңіз, дереу 112 нөміріне хабарласу.

электр және жылыту құралдарын қараусыз қалдырмау;

электр токтарын шамадан тыс жүктемеу;

балаларды үйде қараусыз қалдырмау;