Орал супермаркеттерінде «әлеуметтік» картоп сатыла бастады

Облыс бюджетінен тұрақты қорға көкөніс сатып алу үшін биыл 3,5 млрд теңге бөлінді.

10 қарашадан бастап картопты тұрақтандыру қорынан қаланың сауда нүктелеріне сату басталды, — деп хабарлады «Aqjaiyq»ӘКК.

Бөлшек саудада 10-15% сауда үстемесін ескере отырып, тұрақтандыру картопының бағасы килограмына 154-161 теңгені құрайды.

Сондай-ақ, супермаркеттерде пияз — килограмына 140 теңгеден, сәбіз — 140-150 теңгеден, қырыққабат — 150 теңгеден сатылатын болады. «Әлеуметтік» көкөністерді «Алтындар», «Пешеход», «Суровский», «Дина», «Анвар», «Манго» және «Социальный» супермаркеттері сатады.

Облыс бюджетінен тұрақты қорға көкөніс сатып алу үшін биыл 3,5 млрд теңге бөлінді.

«Aqjaiyq ӘКК» АҚ бағаны тұрақтандыру мақсатында көкөністерді жеткізушілермен белгіленген бағамен жеткізуге келісімшарттар жасасты: 5 мың тонна картоп, 800 тонна пияз, 1 200 тонна сәбіз және сонша қырыққабат.

Тақырып бойынша оқыңыз: БҚО тұрақтандыру қорында сатып алынған арзан картоптың жартысы табылған жоқ