Иманғали Тасмағамбетов ҰҚШҰ Бас хатшы лауазымынан кетеді
Тасмағамбетовтің өкілет мерзімі аяқталды.
SMARTNEWS.KZ басылымының хабарлауынша, Ұжымдық қауіпсіздік туралы шарт ұйымы (ҰҚШҰ) жақын арада жаңа Бас хатшыны сайлауға дайындалып жатыр. Қазіргі басшы Иманғали Тасмағамбетовтың өкілет мерзімі аяқталып, оның орнына келетін кандидат 27 қарашада Бішкекте өтетін сессияда анықталады.
Сессияға мүше мемлекеттердің сыртқы істер, қорғаныс министрлері мен қауіпсіздік кеңестері хатшылары қатысады. Жиналыс барысында қатысушылар есірткіге қарсы күрес, заңсыз миграциямен күрес және жалпы қауіпсіздік мәселелеріндегі ынтымақтастықты талқылайды.
Сонымен қатар, ҰҚШҰ мемлекеттері бірлескен қауіпсіздік декларациясын қабылдап, Ресейдің 2026 жылғы төрағалық кезіндегі басымдықтары жарияланады.
Иманғали Тасмағамбетов мемлекетте әртүрлі лауазымдар атқарған: премьер-министр, Астана мен Алматы қалаларының әкімі, қорғаныс министрі және Ресей елшісі.
