Оралдан Ташкентке әуе рейсінің бағасы қанша

Билет құны Оралдан Ташкентке дейін 40 мың теңгеден, кері бағытта 55 мың теңгеден басталады.

Орал халықаралық әуежайы Өзбекстанның жеке әуекомпаниясы Centrum Air-мен әріптестік орнатып, Орал–Ташкент жаңа әуе бағытын іске қосады. Бұл туралы әуежай баспасөз қызметі хабарлады.

2026 жылдың 29 наурызынан бастап екі ел арасында аптасына екі рет Airbus A320 ұшады. Билет құны Оралдан Ташкентке дейін 40 мың теңгеден, кері бағытта 55 мың теңгеден басталады.

Бұл бағыт жолаушыларға Ташкент арқылы Дубай, Бали, Сеул, Доха, Ыстықкөл, Дели, Мале және басқа да танымал халықаралық бағыттарға ұшу мүмкіндігін ұсынады.

«Мереке күндерін әсерлі саяхатқа жалғау үшін әуекомпаниямен келісім жасап, қосымша екі күнге – 23 және 25 наурызға билет сатыла бастады. Біз қолжетімді күндер санын көбейтеміз, сол арқылы сіз демалу мүмкіндігіңізді арттырасыз», дейді әуежай әкімдігі. 

Әрине, Орал әуежайының бұл жаңа бағыты Қазақстан мен Өзбекстан арасындағы ынтымақтастықты одан әрі дамытып, халықаралық туризмді қол жетімді және ыңғайлы етері анық.

Бұған дейін Түркістаннан Өзбекстанға үш әуе бағыты ашылатыны белгілі болған еді. 1 желтоқсанда Түркістаннан Бұқарға, Үргенішке (Хиуа) және Самарқандқа қатынайтын рейстер іске қосылды.

ОҚИ ОТЫРЫҢЫЗ: Оралдан Ташкентке: тікелей рейстер наурыз айында ашылады