БҚО-ның екі тұрғыны боранда қаза тапты. Полиция тағы екі жоғалған адамды іздеуде
Құтқарушылар қырағы болуды, ауа-райының өзгеруі туралы ақпаратты қадағалауды, үйден шыққан кезде термометрге қарауды немесе қоршаған табиғатты бақылауды сұрайды.
Бүгін 58 жастағы Сырым Өтешовтың денесі бір сағат бұрын табылды. Ол Жәнібек ауылынан бірнеше шақырым жерде далада қатып қалған.
Сырым және тағы бір шопан 13 желтоқсан сенбіде жоғалған малды іздеуге аттанды. Екінші қойшыны іздеу жалғасуда.
Жексенбіде Бөкей ордасы ауданы Сайхын ауылының тұрғыны өлі табылды.
Казталов ауданында 25 жастағы жергілікті тұрғынды іздеу жұмыстары жүргізілуде. Ол да 13 желтоқсан кешінде басталған боранда жоғалып кетті.
Қыста жолға шығар алдында:
- Мұқият ауа райы болжамын зерделеңіз;
- Қозғалыс үшін қандай жолдар жабылуы мүмкін екенін анықтаңыз. Ақпаратты «Қазавтожол» ҰК сайтында толығымен жабық учаскелердің картасын көруге болады. Не болмаса бірыңғай телефон нөмірі 1403 немесе құтқару қызметінің «112» телефон нөмірі, сондай-ақ «Дәрмен» мобильді қосымшасы арқылы нақтылауға болады.
«112» қызметінен ресми дауылды ескерту алған жағдайда елді мекендерден және жолға шығудан бас тарта тұру қажет.
Қазақстан ТЖМ азаматтарды сақтық шараларын орындауға, дауылды ескертулерді қадағалауға және қолайсыз ауа райында ұзақ сапарларға шықпауға шақырады. Ауылдық жерлерде тұратындарға ауа райы нашарлаған кезде ұзақ жаяу серуендеуден аулақ болу ұсынылады.
