БҚО-да үш адам қар құрсауында қалған
ТЖМ қызметкерлері қар құрсауынан үш адамды құтқарды.
Төтенше жағдайлар департаментінің 112 пультіне Батыс Қазақстан облысы Тасқала ауданы Оян ауылы маңында шөп тиеп келе жатқан ауыр жүк көлігі және Теректі ауданы Шөптікөл ауылы маңында жеңіл автокөліктің қар құрсауында қалып қойып шыға алмай жатқаны жөнінде хабарлама келіп түсті.
Құтқарушылардың жедел әрі үйлесімді әрекеттерінің арқасында көліктер қар құрсауынан шығарылды. Жүргізушілер мен жолаушы медициналық көмекті қажет етпеді.
ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райында алыс сапарларға шықпауға шақырады. Ауыл тұрғындарынан ауа райы нашарлаған жағдайда ұзақ жаяу жүруден бас тарту ұсынылады.
