2025 жылы Қазақстанда жол апатынан 285 бала қаза тапты
Зардап шеккен кәмелетке толмағандардың жартысынан көбі көлік жолаушылары болған.
Бұл статистиканы ІІМ Әкімшілік полиция комитеті төрағасының орынбасары Ғалым Сарғұлов жариялады.
Комитет төрағасының орынбасары балалардың қаза болуын «жол беруге болмайтын шығын» деп атады.
«Өткен жылы жол-көлік оқиғалары нәтижесінде 285 бала қаза тапты — бұл жол беруге болмайтын шығын. Зардап шеккен кәмелетке толмағандардың жартысынан көбі көлік жолаушылары болған», — деді Сарғұлов ОКҚ брифингінде.
Полиция өкілінің айтуынша, көп жағдайда ересектер балаларды жол ережесін бұзып тасымалдаған. Атап айтқанда, арнайы ұстап тұратын құрылғылардың болмауы және қауіпсіздік белдігін тақпау деректері жиі кездеседі. Оның сөзінше, кәмелетке толмағандар арасындағы жарақаттар мен өлім жағдайларының едәуір бөлігі дәл осы қарапайым талаптардың сақталмауымен байланысты.
