Қазақстанда “Стрептоцид” дәрісінің бір сериясына тыйым салынып, сатылымнан алып тасталды
Денсаулық сақтау министрлігінің мәліметінше, 25080430 сериялы дәрінің сапа талаптарына сәйкес еместігі анықталған.
Қазақстандағы дәріханалардан сапасы төмен стрептоцид партиясы жаппай тәркіленуде. Бұл туралы Stan.kz ақпарат агенттігі хабарлайды.
2026 жылдың 23 ақпанынан бастап денсаулық сақтау министрлігі медициналық және фармацевтикалық бақылау комитетінің төрағасының бұйрығымен 300 миллиграммдық “Стрептоцид” антимикробтық дәрісінің бір сериясын медициналық қолдануға және айналымға енгізуге тыйым салынды. Картон қорапта әрқайсысында он таблеткадан бес қаптама бар. Өндіруші – “Химфарм” АҚ.
Денсаулық сақтау министрлігінің мәліметінше, 25080430 сериялы дәрінің сапа талаптарына сәйкес еместігі анықталған.
“Бұл стандартты реттеу шарасы және нарықта тек белгіленген сапа талаптарына сай дәрі-дәрмектердің айналымын қамтамасыз етуге бағытталған. Шектеу тек көрсетілген серияға ғана қатысты. “Стрептоцид” дәрісінің басқа сериялары айналымда қалады және шектеусіз қолдануға болады”, – делінген министрлік хабарламасында.
Министрлік мәліметінше, дәріханалардың қоймаларында 1 470 қаптама қалған, ал шамамен 4 000 қаптама сатылып үлгерген. Аталған сериямен байланысты науқастардың жағымсыз реакциялары немесе шағымдары туралы ақпарат түспеген.
Өнімді алу дәріханалар мен дистрибьюторлар арқылы жүргізіліп, кейін өндірушіге жеткізіледі. Қазақстан заңнамасына сәйкес, өндіруші дәрінің сапасы, қауіпсіздігі және тиімділігі үшін оның айналымдағы бүкіл кезеңіне жауапты.
