Былтыр 1757 ресейлік Қазақстан азаматтығын алған
Министрліктегілер былтыр Қазақстанда тұруға ықтиярхат алған Ресей азаматтарының саны 8148 адам болғанын атап өтті (2024 жылы – 9761).
2025 жылы ел аумағына кірген 15 млн 956 мың 571 шетелдіктің 63 480-і қайта шықпай қалған. Ішкі істер министрлігінің kaz.inform сауалына берген жауабында осындай дерек бар.
2025 жылы Қазақстан Республикасына 15 956 571 шетел азаматы кіріп, 15 893 091-і шыққан (2024 жылы 15 454 808 шетел азаматы кіріп, 15 414 762 шыққан, — деп жазылған жауапта.
ІІМ дерегіне сүйенсек, 2025 жылы 113 мың 961 шетел азаматы көші-қон заңнамасын бұзғаны үшін әкімшілік жауапкершілікке тартылып, 18 мың 872 шетелдік Қазақстан аумағынан шығарылған. Ал 2024 жылы 97 мың 229 шетел азаматы көші-қон заңнамасын бұзып, 14 мың 124-і ел аумағынан шығарылған болатын.
Министрліктегілер былтыр Қазақстанда тұруға ықтиярхат алған Ресей азаматтарының саны 8148 адам болғанын атап өтті (2024 жылы – 9761).
2025 жылы бұрын Ресей Федерациясының азаматы болған 1757 адам Қазақстан Республикасының азаматтығын алды (2024 жылы – 2148), — деп жазады ІІМ мамандары.
Қоғам белсендісі Өмір Шыныбекұлы өзінің Фейсбук парақшасында Орталық Азия азаматы Ресейге жұмыс іздеп барса гастарбайтер, Ресей азаматы Орталық Азияға жұмыс іздеп келсе релокант дейді. Неге солай деп сұрақ қояды…
Гастарбайтер → еңбек мигранты / жұмыс мигранты
Релокант → қоныс аударушы / көшіп келген маман.
