Оралда құжаттары жоқ көпқабатты үй бұзылып жатыр
2025 жылы заңсыз нысандарды өз еркімен бұзу туралы жеті ұйғарым берілген, олардың бір бөлігі демонтаждалып қойған.
«Бұл нысанның жобалау-сметалық құжаттамасы жоқ, авторлық және техникалық қадағалау жүргізілмеген, өртке қарсы арақашықтықтар сақталмаған. Істі қарау барысында құрылыс салушы жер телімін үшінші тұлғаларға қайта ресімдеуге тырысты, бірақ сот сатып алу-сату шартын жойды. Өкінішке қарай, бұл үлкен мәселе: ешқандай рұқсат құжаттары болмаса да, құрылысты бастап кетіп, «бәлкім, реттелер» деп үміттенетін құрылыс салушылар бар. Бірақ ол заман өтті – кез келген заңсыз құрылыс тоқтатылады», – деді БҚО МСҚБ басқармасының басшысы Әлібек Антазиев.
Нақтыланғандай, Досмұхамедов көшесі, 33 мекенжайындағы нысан бойынша сот талқылаулары 2024 жылдың тамыз айында, ғимараттың бір бөлігі тұрғызылып қойған кезде басталған.
Демонтаждау туралы түпкілікті шешім 2026 жылдың қаңтарында шығарылғаны, содан кейін құрылыс салушы нысанды өз еркімен бұзуға кіріскені атап өтілді. Бұзу жұмыстарын бір ай ішінде аяқтау жоспарланған.
Өңірде тағы үш көппәтерлі тұрғын үй бойынша сот талқылаулары жүріп жатқаны хабарланды.
Ведомство мәліметінше, сот шешімі шыққанға дейін жұмысты тоқтатуға өкілеттік болмағандықтан, нысандағы құрылыс тіпті сот процестері кезінде де жалғасқан.
Облыста дрондарды пайдаланатын мониторингтік топтар жұмыс істейтіні, олар күн сайын құрылыс алаңдарын тексеретіні көрсетілген.
Сондай-ақ негізгі мәселелердің бірі – рұқсат құжаттарының толық пакетінің болмауы екені айтылды. 2025 жылы заңсыз нысандарды өз еркімен бұзу туралы жеті ұйғарым берілген, олардың бір бөлігі демонтаждалып қойған.
Қосымша мәлімет бойынша, тұрғындар бұзушылықтар туралы хабарлай алатын «Құрылыс бақылау» Telegram-боты іске қосылған.
Бұдан бөлек, жұмыстарға байланысты Есқалиев көшесіндегі жолдың бір бөлігі уақытша жабылған.
Мемлекеттік сәулет-құрылыс бақылау басқармасы сәулет және қала құрылысы саласындағы заңнама талаптарын қатаң сақтауды ескертеді.
Заңсыз құрылыс жауапкершілікке әкеп соғады және нысанды мәжбүрлі түрде бұзуға алып келуі мүмкін.
ТАҚЫРЫП БОЙЫНША ОҚЫҢЫЗ: Оралда күрделі құрылыстың жеті нысаны заңсыз деп танылды және бұзуға жатады
Оралда билік сот арқылы құрылыс нормаларын бұзған көпқабатты үйді бұзуға қол жеткізуде
Орал қаласының орталығында заңсыз салынған төрт қабатты ғимарат бұзылады
