Қыз балаға қол көтергені үшін 40 сағаттық қоғамдық жұмысқа жегілді

Ер адам қыздың бетінен бірнеше рет ұрған.

Орал қаласында ұрып-соқты деп айыпталған ер адамға қатысты қылмыстық іс қаралды.

БҚО сотының баспасөз қызметінен хабарлағандай, оқиға көлікте болған. Ер адам қыздың бетінен бірнеше рет ұрған. Іс материалдары бойынша ол жәбірленушінің сол жақ бетіне 2-3 соққы жасаған.

Прокурор сотталушыға 40 сағаттық қоғамдық жұмыстарды тағайындауды сұрады. Жәбірленуші өз кезегінде соттан жеңіл жаза сұрады.
Сотталушы кінәсін толық мойындап, жасаған ісіне өкінген.

Сот ер адамды ҚР ҚК 109-1-бабының 1-бөлігі бойынша «Ұрып-соғу» деп кінәлі деп тауып, оған 40 сағаттық қоғамдық жұмыстар түрінде жаза тағайындады.