Оралда көпір жөндеуге байланысты уақытша жабылады

Осыған байланысты автокөліктің, оның ішінде жолаушылар көлігінің қозғалысы да өзгереді.

Шаған өзені арқылы өтетін көпірде деформациялық тігістерді ауыстыру үшін жол-жөндеу жұмыстарын жүргізуге байланысты 2026 жылғы 13 маусым сағат 21: 00-ден 20 маусымға дейін көпір бойынша қозғалыс уақытша жабылатын болады.

Жұмыстарды жүргізу кезеңінде Деркөл кентінде жүретін қалалық автобус маршруттарының қозғалыс сызбасына уақытша өзгерістер енгізіледі.

№4, №7, №7У, №16, №17, №49 және №53 маршруттар жолаушыларды көпірдің екі жағынан жабық учаскеге дейін ғана тасымалдауды жүзеге асыратын болады:

• Деркөл кентінің автобустары жабылу орнына дейін жүретін болады;
• қала тарапынан автобустар да жабық учаскеге дейін жүретін болады;
• сапарды жалғастыру үшін жолаушыларға жабық учаскеден жаяу өтіп, қарама-қарсы жақтағы тиісті маршруттың автобусын пайдалану қажет.

№17 және №53 маршруттар қозғалыстың баламалы схемасын ұйымдастырмай, тек жөндеу орнына дейін қозғалысты жүзеге асыратынына назар аударыңыздар.